莊思敏母親無故被恐嚇

近日有消息指莊思敏（Jacquelin）的母親在馬來西亞一物業大堂內被幾名大漢動粗，前晚Jacquelin出席時裝派對時被問到此事，她坦言：「係真有其事，媽咪畀人推跌咗，扭傷咗手臂同手腕。（你媽咪擺顆聖誕樹喺大堂？）幢大廈係自己嘅，業主布置聖誕裝飾好正常。媽咪之前都有收到恐嚇信，電話騷擾，佢哋仲送過鐘畀我媽咪。佢哋唔係大廈住客同租客，但就經常喺大廈出入，騷擾到其他人。（媽咪有無請保鏢？）媽咪不嬲有保鏢，亦已報咗警，當地嘅議員亦都知道。（知唔知啲人為咩咁做？）唔知咩原因，唔知係咩人做嘅，佢哋又無講想點，我哋都無得罪人。（會唔會返去陪媽咪？）原本有諗過返去，但媽咪話咁多人返去仲驚。」