鍾舒漫撻着吳浩康 Steven頹爆
「英皇聖女」鍾舒漫（Sherman）跟同門師兄張致恒（Steven）緋聞傳足7年，多年來離離合合，本以為近年變積極的Steven成功「翻撻」舊愛，不料殺出「程咬金」吳浩康（Deep），以音樂才華贏得Sherman歸，兩人發展神速已見家長，據悉Steven得知被「好兄弟」奪愛，心情跌落谷底近日玩自閉。
Sherman 05年加盟英皇後，Steven苦追2年多終得米，被拍得出入Sherman的舊香閨，惜兩人性格不合終分手收場。直至2年前，Steven成基督徒，加上他思想漸成熟，有傳二人愛火重燃，日前Steven更暗示有結婚打算。
但其實「雙S」蜜運只是假象，Sherman和Steven在一年前再度分手，而在半年前，Sherman被好友Deep展開追求，憑音樂才華及十足誠意打動了Sherman譜出「漫浩戀」，據悉兩人打得火熱，Deep已登堂入室見家長。知情者又透露Steven早聞舊愛跟好兄弟拍拖，現在心情「灰爆」不願見人。
讚男友生活健康
昨日Sherman接受電話訪問時直認和Deep拍拖：「我承認呢段關係係事實，我哋發展咗半年，人大咗追求真愛，我希望佢係。」她大讚男友有不少值得學習的地方，尤其音樂上令她獲益良多，且男友生活比她更健康，雖然經理人公司也知他們拍拖一事，但不鼓勵公開。至於Sherman新歡Deep及舊愛Steven在截稿前未有回覆。
另外，前晚Sherman偕緋聞情侶湯怡、洪卓立及泳兒齊出席時裝品牌派對，見Sherman全程匿埋一邊狂煲電話，相信她應是跟男友隔空傳情。
文：音樂組