陳智燊翹朱千雪冇避忌
前港姐朱千雪（Tracy）近日被指介入陳智燊（Jason）與宋熙年之間，兩人昨日情侶檔出活動，應要求尷尬翹手合照。Jason笑指對方賺了個封面，更向緋聞女友宋熙年派定心丸：「點寫都影響唔到我同其他人嘅關係！」但也不介意跟Tracy情侶檔搵銀。
朱千雪、陳智燊及新鴻基地產租務部總經理鍾秀蓮昨日出席「東港城 X Monchhichi聖誕『萌』遊世界」暨「冬日旅遊嘉年華展覽」揭幕禮。
近日有傳Tracy介入Jason與宋熙年的感情，二人於活動期間，分別與公仔翹手合照，直到記者叫他們翹手，兩人才尷尬互翹，不過事後均表示冇尷尬，Jason解釋只是當時沒想到，並笑謂：「今次你（Tracy）賺咗個封面，大家Friend冇所謂，有咁多人留意佢，都戥佢開心，《On Call 36小時II》未到結局篇已咁多noise，恭喜晒！」Tracy直言劇集出街後，多了工作及觀眾認識。
不介意情侶檔
問有女友會否刻意避忌？Jason即向宋熙年大派定心丸：「唔使，大家所擔心嘅嘢，我覺得冇所謂，唔係大家諗到咁複雜，我同Tracy係朋友，同其他人關係都okay。」談到女友是否很放心時，Jason沉思幾秒後，Tracy即笑謂：「佢諗緊邊個女友！」Jason續說：「呢樣嘢唔使擔心，大家寫嘅、講嘅影響唔到我同其他人嘅關係。（冇人向你詐型？）經理人、樂小姐（製作資源部總監樂易玲）都冇，其他人都唔會。」
追問有否向宋熙年提及與Tracy的緋聞，他坦言若報道提到對方便會講，但未有問宋熙年對這段緋聞的看法。Tracy又稱緋聞不影響她識男仔，也不介意情侶檔搵銀。
文：影視組