嘉穎補鑊出碟唱舊愛
鄭嘉穎近年忙於內地拍劇吸金，加盟英皇拖足近兩年才推出新碟，有傳因此而令英皇不滿，嘉穎即在發布會上「耍冧」補鑊。他又直認新歌講述自己的戀愛經歷，誓要唱好舊愛。
鄭嘉穎近日被傳因近年忙於北上拍劇，兩年前加盟英皇後，錄音檔期一拖再拖，最終在快完約前才推出加盟後首張新碟，因而令英皇有所微言。
吳雨樂易玲撐場
嘉穎昨日出席國語碟《說來話長》香港站發布會時，承認因拍劇而無暇錄音，由原定推出的大碟改為出EP，更向英皇「耍冧」補鑊，他說：「同英皇簽咗兩年，都覺得拖得太耐，仲要由大碟變EP，唔好意思，總之依家關係良好，合作愉快。」
而英皇高層吳雨及無綫高層樂易玲亦有畀面撐場，吳雨更送上貴價人參祝賀嘉穎，粉碎傳言。而今次新碟封套選擇在他的失意地台灣拍攝，對有指因資源不足而要投靠親戚，由有米表妹操刀到台灣拍攝，嘉穎說：「我依家冇錢咩？我唔需要投靠人，資源唔係我控制到，以業餘嚟講，我表妹水準好高。」
另外，嘉穎直言新歌《說來話長》是講述自己的愛情經歷，問到佘詩曼及周麗淇（Niki）有份「被唱」？他笑說：「唔會講你聽啦。（驚佢哋對號入座？）我費事啲人對號入座先改編咗首歌。」對於有傳阿佘以短訊攻勢求翻撻？他說：「第一次話翻撻已經係編作，佢冇send短訊畀我。大家仲係朋友，啱啱知道佢受傷都有問候佢。」
文：音樂組