田蕊妮贏人心鍾嘉欣服輸

從亞視過檔無綫的田蕊妮，演技備受肯定，最近在《巨輪》中演的「倀雞英」角色更大受讚賞，前晚台慶新增環節中，更得400名藝員同事力捧，勇奪「藝人心目中的視后」獎項，阿田喜極而泣，並稱最感動一刻是眾藝員站立，感受到自己有人緣同時亦覺大家的眼神很有戲；而同場的戲劇總監曾勵珍更上前擁抱祝賀。繼《巨》結局當晚奪「我至Like角色」後，今次再奪「心目中的視后」，問可有信心在台慶頒獎禮當晚連中三元？阿田直言幾年前曾試過獲提名，但當時冇人問過她可有信心，今次有不少回響，相信機會大一點。

去旅行作補償

由於丈夫杜汶澤正忙拍電影《豪情2》，阿田前晚稱老公可能未知道，但他們有個聊天群組，當其他人祝賀時，阿田說老公都有留言：「佢有講Beautiful I Love You，You Are The Best！我好多謝老公。」阿澤昨日受訪時，稱有朋友告知攞獎而戥老婆開心：「係藝員投票嘅，即係佢哋都識做戲啦，係得到業界認同！」阿澤坦言今年的確冷落了老婆：「今年接咗好多電影，我哋見面唔多，依家知佢攞獎，想去接佢收工都唔得。拍完戲後都想抽時間去旅行，爭取時間二人世界。」

杜汶澤	嘉欣表示入行九年有收穫，繼續向「視后」進發。

否認加簽長約

而與阿田爭「視后」的鍾嘉欣，昨為新劇《大藥坊》拜神時重提前晚輸給對方，嘉欣稱未有失望：「今年台慶我感受到嗰份團結，入到兩強已經好開心，自己入行九年已經學到好多，冇獎咪再加油。」有指簽八年長約被綁捧獎無望，嘉欣否認加簽長約：「冇加簽但有加人工，總之夠我向住『視后』目標進發，係一個perfect年期。」對於台慶收視達標，嘉欣開心公司可以做善事，並認為做善事係特別靚和有福氣。

此外，周麗淇昨晚出席好友婚宴時，提到阿田被藝人選為視后，她說：「好替佢高興，自己都好鍾意佢，我依家先醒起佢幫我買嘢食，我未畀番錢佢。（你會否擔心頒獎禮會失落視后？）邊個拎我都開心，邊個攞都係榮幸。」

文：影視組