之前揚言準備護膝陪陳百祥（阿叻）「跪回家」的艾威，昨日得知台慶收視達標並捐出善款322萬一事大表高興，並稱今次皆大歡喜，言談間更撐阿叻：「一早知道唔使跪，係阿叻開玩笑我咪陪佢玩囉，其實我哋好好朋友！今次咪幾好囉，錯有錯着，最後受惠係慈善機構！（阿叻咪可以繼續認叻？）唔會嘅，只係佢嘅特色啫！其實大家都有少少錯，最錯係唔發牌嗰個！」
