徐子淇黑白配低調濕平
千億新抱徐子淇近年除了慈善活動外，已甚少出席公開活動，昨日她竟現身時裝慶祝活動，與一眾藝人Model包括周汶錡、鄭俊弘、熊黛林（Lynn）、琦琦以及吳雨霏等齊集於銅鑼灣的pop-up store內shopping揀靚衫。戴上黑超，身穿黑白配打扮的子淇甫到場即走進店內，並未有停下來給記者拍照，明顯想低調行事。她在店內逗留了不足半小時後，就在大會的特別安排下由秘道離開。
同場的Lynn就透露身邊不乏追求者，她說：「都揀緊嘅，有幾個都高質素o架，如果啱嘅一個就夠，太多會花多眼亂。（高唔高過你？）我着咗高踭鞋無人高過我，唔使太高，同我差唔多高就得，好似兩支電燈柱咁會好覺眼。（揀啱就結婚？）我會努力。」
