王君馨約男友開餐

王君馨自爆與初戀情人愛火重燃，會一起在港度佳節。

王君馨、何傲兒悉心打扮進行剪綵揭幕儀式，兩人發揮創意為瑞典木馬上色，率先感受聖誕氣氛。曾發表「處女論」的王君馨受訪時自爆有男朋友D先生，他是君馨的初戀情人，兩人讀書認識至今八年，離離合合分開數載，約一、兩年前復合。君馨還預告：「聖誕節男友會來港相聚，我已訂定餐廳『開餐』，過一個浪漫嘅二人世界。之前分開都講，如果命中注定，我哋始終會喺埋一齊，好開心最尾都一齊！」

何傲兒講擇偶

D先生是中國人，比君馨更洋化，他居於紐約，現時二人每年只能見一、兩次面，平日靠Facetime、寫信維繫。至於突然宣布有男友，因雙方是認真拍拖，故一直希望保留私隱。今次公開打算結婚？她說未來數年都未有結婚計劃，大家以事業為重。

何傲兒（左）、王君馨為瑞典木馬上色。

王君馨（右）與新鴻基地產代理租務部助理總經理劉文豪（左三）、新鴻基地產租務部高級租務經理林凱雲（右二）及何傲兒（左）同為展覽剪綵。

以tube dress亮相的何傲兒在聖誕節時要開工，但會同朋友慶祝：「我冇男朋友，大家以為我好多人追，其實只係錯覺。」她揀男友的唯一條件是不可以怕曱甴！參加《星夢傳奇》後她的工作量大增，收入亦增加：「我冇check賺幾多，自己唔大使，總之撳到機夠用就得，聖誕願望都希望學吓理財。」

文：影視組