娜姐谷爆冇氣抖關楚耀嗌正

由卓韻芝執導、周秀娜、盧頌之及余曉彤主演的電影《爆3俏嬌娃》前晚舉行首映，娜姐狂谷胸晒四吋事業線，直言抖不到氣！眾人在台上互爆秘密，但娜姐緋聞男友關楚耀卻指娜姐在片場扭親腳會自己捽，似讚對方專業多於爆料。

甚有睇頭的娜姐笑言最近增磅不少，問到是否有拖拍所以心廣體胖？她強調仍是單身。會否跟Kelvin再結伴睇戲？她避忌地說：「會叫朋友包場，本身有叫父母嚟。（父母唔到因為怕見家長？）唔係呀！我哋真係普通朋友。」娜姐又表示對票房有信心，問到若票房理想可會有更爆衣着？她將責任交畀平日收收埋埋的卓韻芝。

卓韻芝（右起）、娜姐、盧頌之與余曉彤為電影造勢。

何佩瑜做孝順女撐起頭家。

定格（目及）有feel

而Kelvin整晚不停讚娜姐打扮搶眼、唔錫身及演技有進步，並希望電影出DVD 3D版，問到是否想定格睇娜姐？他尷尬地笑稱感覺不同，對於娜姐表示叫朋友一同包場睇戲，他說：「佢好多朋友，我睇DVD得o架啦！我都想帶父母嚟捧場。（包場畀兩家人一齊睇？）冇諗呢啲喎！」

此外，娜姐師妹何佩瑜（Jeana）穿露腰裝捧場，提到其好友陳靜（DaDa）因早前閃退，被追討八十萬至一百萬元賠償金，她驚訝地說：「點解呀？咁合約上嘅嘢我唔清楚，要顧掂自己先。（DaDa禍不單行？）人生總係有起跌，大家都係後生女。」問到會否財力支持好友？Jeana即打退堂鼓表示自己也要養家。

文：影視組