子珊戰衣防走光瞓身爭巨獎

今年是無綫46周年台慶，為了增加節目氣氛及提高藝員士氣，會全晚不停送獎品及獎金，總值逾千萬，當中包括兩架車、內地價值100萬元的樓及鑽石鏈等名貴獎品，除了藝員，觀眾都有機會獲得。無綫亦已呼籲藝人出席，而今年會是歷年最多藝人出席的一次，共有380多位出席。當晚，藝人會以競技形式爭奪各大獎，現場定必緊張刺激。

倒奶太重口味

昨晚，無綫花旦徐子珊連同一眾小花李亞男、朱千雪、岑麗香（香香）等，與男藝人周志文等為《萬千星輝賀台慶》進行綵排，本來這個表演有林峯份，不過他不在場。子珊得悉鬥玩競技爭獎時，她說：「咁咪唔可以着得太性感囉！等我帶多套戰衣，到時可以盡情玩，唔怕走光，而且自己向來都冇乜抽獎運，反而以競技爭獎就有信心。」今次，她會與眾靚仔靚女以舞蹈配合燈光表演，問到會否性感上陣，她說：「唔知喎！我都冇o架啦！（你有料喎？）冇，大家錯覺啫！今次啲動作都高難度，要吊威吔！」問子珊會否倒奶增加收視率？她忍不住笑道：「驚大家會熄電視喎！怕到時有人打嚟投訴，總之節目要有娛樂性，（大家鍾意睇你倒奶？）太重口味自己接受唔到。」

香香show線條

不過香香就好識做，她坦言就算不show肉，都會show線條給大家看，香香又指自己向來跳舞天分不高，故跳得辛苦，希望大家支持她。而李亞男表示向來喜歡跳舞，張名雅則指要着高踭鞋跳舞，故有點兒擔心。

對於陳百祥揚言台慶當晚若得2、3點收視就死，對此子珊愕然謂：「佢比喻啫！叻哥好支持我哋，到時佢會諗啲嘢表演增加收視。」至於周志文被問到有否聯絡馬賽時，他只叫大家給時間及空間對方，更指馬賽已承受壓力，身心都很攰。

文：影視組