基仔承諾捐器官自誇肺靚
剛獲「首屆世界廣府人懇親大會」頒發「十大傑出青年」的古巨基，與內地歌手李泉在內地歌唱比賽《夢想星搭檔》中奪首個單元賽冠軍，而基仔在賽後坦承，為遺愛人間，必要時會將自己所有器官獻出：「我簽咗份協議書（器官捐贈卡），喺必要嗰時會將自己嘅器官捐晒畀有需要嘅人。」
於2008年成為「香港器官捐贈宣傳大使」的基仔續說：「希望喺自己唔在世嗰時，將器官捐畀徘徊喺生命邊緣嘅人，令生命延續落去。」問基仔做了捐贈大使多年有何收穫？他表示：「生不帶來死不帶去，惟有愛遺留人間。」
台灣會好友
問基仔認為自己哪個器官最健康？他自信說：「應該係個肺，因為我唔煙唔酒，又成日做運動。」談到中國人最怕「死無全屍」，基仔說：「我明白中國人嘅思想，呢件事對佢哋嚟講比較前衞，不過真係好有意義，希望影響到身邊朋友效法。」
此外，基仔剛到台灣錄國語專輯，現階段是貴精不貴多，會慢慢用心製作。基仔也在微博上載了多張自己在台灣與朋友會面的相，包括曾寶儀、蘇有朋及台灣組合JPM的王子和小傑。基仔坦言乘今次台灣錄歌之便，見了不少好友：「依家學識努力工作之餘，都要放輕鬆玩吓，喺工作同生活之間取得平衡，可以見到咁多朋友我都好開心。」
文：音樂組