鍾舒漫張致恆牛一送公仔

歌手鍾舒漫、黎瑞恩、廖啟智、林嘉華等昨日出席首屆「英皇‧星夜奔慈」慈善賽，鍾舒漫表示夜晚賽跑很浪漫，問到平時有否相約緋聞男友張致恆夜間跑步？她表示不會：「通常我自己一個人跑，因有人喺隔籬好大壓力，而且佢住九龍區，我住香港區，唔就腳。」談到今日是張致恆的牛一，她即祝福緋聞男友：「生日快樂！（有咩表示？）托個朋友整咗個馬來西亞刺繡公仔畀佢，係佢個樣嚟嘅。（唔整埋你個樣，一pair送畀佢？）都唔係一pair點送，我嗰個樣就自己收藏。（約食生日飯？）冇喎，如果佢冇人陪搵我都ok。」另外，她昨日出席環保音樂會時表示受同事影響，近年愛上跑馬拉松：「跑咗3年，已經報咗名下年2月跑。」