張柏文望栢芝有新歡幸福
【張嘉敏澳門直擊】張栢芝弟弟張柏文與內地演員盛君前日出席澳門十六浦舉行的MJ珍品廊「危城解碼」開幕禮，對於傳栢芝有新歡，柏文坦言不知情，但希望她開心幸福，早日找到另一半，至於有指外甥Lucas的學校向栢芝發出最後通知叫Lucas返學，他認為不可信：「我唔相信Lucas唔返學，家姐對教學好嚴。（有私人補習？）呢方面好多，都有好多工人照顧得佢哋好好。（家姐帶埋仔仔移民新加坡？）呢樣唔知道。」
另外，同場女藝人江美儀與男友吳君祥拍拖現身，提到馬賽激咀內地富婆汪子琦的報道，她認為最重要是馬賽開心，她自言並不抗拒同性戀，並鼓勵對方站出來，但有網民指責馬賽講大話，她力撐說：「唔知當日記者點問，公司可能有壓力唔可以講感情事。（佢被公司暫停工作，放兩個月大假？）咁大件事？咁咪當放吓假囉。」
