曾志豪中西合璧平衡生活

與普通香港人一樣，曾志豪平時因忙於工作而甚少注重健康，他說：「平時喺電台收工，返去寫吓稿，之後又拍TV都幾忙，成日要捱夜，團隊有個醫師幫我哋把脈，點知一把，就話個個都肝火好盛！好彩係肝啫，腎同腰都OK，仲係好腰好腎好男人！」

生仔有秘笈

說到此時，他表示其中有一集以「控射障礙」為題：「即係早洩問題，之前有個整過花膠拔絲嘅廚師，話可以整碗壯陽食療叫『杜仲PANCAKE』，我即刻話『咁巴閉？』原來我聽錯，其實係杜仲、巴戟兩種藥材。原來早洩係可以做按摩、運動加食療就可以好得番，好實際生活化，全部對症下藥，都真係獲益良多。」他又透露節目會談及生育秘笈：「有研究話食某種嘢，可以令生男仔機會率有87％，嗰樣嘢係平時都會食到，我諗嗰集一出街就大件事，一定會有好多人搶購！」

由觀眾出發

曾志豪表示該節目有很多令人意想不到的新點子，以及新穎的拍攝手法：「有一集係講細菌，監製特登請咗個藝術團體，用藝術形式去演繹細菌，做完之後，台前幕後都走去影相留念，好靚！」他亦大讚節目製作認真，結合不同範疇專家，從中醫師、西醫師、營養師、物理治療等搜集專業知識，拆解坊間對保健和治療疾病的謬誤和謎思，例如：是否肚餓就要進食呢？讓觀眾重新認識人體內的元素。曾志豪表示：「當大家掛念電視應該多啲選擇嘅時候，呢個真係一個有誠意嘅製作。」

《維他命師》（Healthy Planet）

播放日期：11月5日起，逢星期二

播放時間：晚上10時30分

播放頻道：now 101台

文：影視組