千嬅追女 心大心細
楊千嬅與夫婿丁子高育有一子，丁生日前公開表示希望千嬅為兒子再添一個弟妹，但事業心重的千嬅就表示心大心細，因為明年有功夫片想接拍，但又擔心再等待年紀太大不易生育，因此思想正在掙扎中！
前晚楊千嬅出席老公丁子高公關公司舉行的Salad「Carry Me Lite」秋冬時尚魅力活動，其他出席嘉賓還有女星謝婷婷、黃翠如及模特兒傅嘉莉等。其中千嬅與一眾model壓軸出場，穿上6吋高跟鞋的她自言怕對比其他model變成小矮人，故要穿上6吋高跟鞋增高。對於老公丁子高公開在電視上「呼籲」她多生一個女？她笑說：「離晒譜，將啲家事搬上電視講。佢係想生多個，但我就15、16，因為下年有啲劇本自己好鍾意，有啲仲要打功夫，如果要生就拍唔到，佢梗係想快啲啦，唔使佢生，佢知我緊張個仔，成日話想個仔有個伴識得分享。（佢想生女？）我仔女都ok，順其自然啦！」談到丁生在電視上發表愛的宣言？她自言嚇了一跳。
婷婷爆姪仔冇奔喪
而同場的謝婷婷就透露嫲嫲的身後事已辦妥，對於有指前嫂子張栢芝禁止兩兒子奔喪？婷婷表示不清楚，但就謂兩姪兒的確沒有參加喪禮。另有指栢芝沒有讓兒子上學，問婷婷可會擔心？她說：「返學好緊要，我諗每個人都會答呢個答案，我相信霆鋒會同佢溝通，我每次見兩個姪仔都好精靈聰明，但唔代表唔使返學。」
至於身為爺爺的謝賢昨日就與女友到名人飯堂福臨門用膳，對於有指栢芝禁兒子奔喪一事？四哥聽罷火爆地說：「我都唔知點答你？唔好問呢啲問題！」問到霆鋒戲言想與王菲復合？他繼續黑臉說：「唔講呢啲，唔好問啲咁無聊嘅嘢！」看來心情欠佳。
文：名人組