學友唔敢接志偉棒
張學友前晚出席《一個複雜故事》亞洲電影節試映場，問學友曾志偉辭任演藝人協會會長，他會否接任？學友說：「唔會啩！（驚？）唔係，我做過副會長，比較擅長搞表演，我諗大家知我做唔嚟，唔會投我。（有傳黃秋生做。）佢做有說服力。」
提到免費電視發牌，學友認為愈多電視台愈好，至於會否支持熄電視日，他笑言平日很少睇電視：「要食飯、阿女又要做功課，之後再睇電視驚太精神瞓唔到。」至於昨晚七至十一時進行熄電視行動期間，銅鑼灣不少電器連鎖店內的多部電視都有開啟，播放無綫高清台節目，很多食肆和酒吧亦有開電視給客人睇《巨輪》和賽馬，大型商場外的大電視也如常播放電視節目。