金剛玩夠儲錢娶蕊蕊
無綫藝人金剛昨日在香港教育學院與學生分享台灣文化，他表示每兩個月便飛返台灣，早前也有帶女友蕊蕊返台「見家長」，其家人亦表示支持，更大讚「未來新抱」不錯，但家人卻未有催婚，他說：「呢啲唔急得，唔似買衫咁求其。（你未玩夠？）夠啦，希望儲夠錢35歲結婚。」
對於曾志偉辭任演藝人協會會長一職，金剛坦言感到可惜：「佢係非常全能嘅人，好多時handle得好好，好有心做。」有指無綫打壓藝人，志偉卻未有為無綫員工平反，他說：「呢啲唔係一個人能夠解決，我就覺得ＴＶＢ冇打壓。（無綫稱會改善藝人薪酬及工時？）係好事，因藝人需要足夠時間休息。」