楊張新悅拒道歉

楊張新悅前晚攜同夫婿楊哲安出席智樂慈善晚宴，同場嘉賓有徐濠縈、何嘉莉、曹眾與老公及女兒、周國豐伉儷、丁子高等。早前靚靚在節目《最佳女主角》訪問中大爆多年前拍戲時曾被一班新人從後推撞，她即時轉身大罵，而楊張新悅正是其中一人。對此，楊張新悅表示從微博及朋友口中得知靚靚舊事重提，並說：「15、16年前嘅事，我真係冇能力去記得每個小節，放低件事好耐，我好欣賞靚靚喺《新不了情》嘅演出，亦好欣賞佢，希望佢有更出色嘅演出。」至於是否已忘記有否撞過靚靚？她說：「人大咗，成熟咗，我個腦個CPU唔夠RAM，唔需要記得就唔記得，我離開咗娛樂圈咁耐，適合嘅就仲喺娛樂圈喇！」問到若日後見面會否尷尬，她說：「若喺街撞到佢，大家都平常心。（有冇打招呼？）未有呢個場合。（會否同佢道歉？）都唔記得，道咩歉？」

超市相遇曾互打招呼

而靚靚昨晚出席另一場合時談到跟楊張新悅的舊事，她覺得大家忘記就好，並承認當時情緒處理不當：「作為前輩，立場可以溫和啲，當時道行未夠深，（有冇放喺心？）唔重要，係人生經驗，再遇到會handle得更好。」靚靚又稱之前曾於超級市場相遇對方，兩人曾打過招呼。

袁詠儀早前在《最佳女主角》訪問中重提被推撞舊事。	周國豐夫婦盛裝出席活動。	徐濠縈大方表示明白男人少湊BB，不覺老公Eason虧欠她。

徐濠縈開心透露剛在三藩市跑半馬馬拉松獲得好成績：「突破咗時間，半馬跑1小時52分，20個明星代表中，我跑第1名。12月會去上海跑，想再創自己新記錄。鍾意冬天跑，三藩市得9度，都係着住背心短褲跑。」至於會否帶同老公陳奕迅跑，她說：「佢話腳未得，（藉口？）大家明喇，最緊要支持我，無投訴我飛得多已好好。」

曹眾難得一家三口現身。

何嘉莉大騷長腿，展示型格打扮。

徐濠縈跑馬拉松唔生B

對於Eason早前受訪時透露當年未接受到有BB，因而走了去踢波，現場覺得對太太有所虧欠，阿徐即說：「咁佢仲叫我再生？之前BB仲細時好似飯糰，佢唔知點，依家個女大咗父女關係好好多，又好崇拜daddy。（覺得佢虧欠你？）冇咁計，（再生？）跑多兩個馬拉松先，我好好勝。」

文：名人組