渡海濠情：論盡萬聖節扮嘢嚇餐飽

妖艷扮相

楚楚：我一直以嚟以為萬聖節係西方小朋友嘅節日，其後喺一次萬聖節派對中，見到啲人瘋狂扮鬼嚇人，覺得好玩又刺激，於是自己又扮埋一份，互相嚇嚟嚇去，真係好玩到震呀！

依依：其實我以前都唔知萬聖節咁好玩o架！我都係去完萬聖節派對先至知道，原來呢個節日咁過癮，只可惜我嗰時冇扮嘢，後嚟我醒呀，扮咗隻低胸倒奶吸血鬼去派對，就連人狼都畀我嚇親。

楚楚：我覺得人狼唔係畀人嚇親而係畀你迷暈，你着得咁性感，就連妖魔見到都着晒迷。不過我就冇你咁激，今年最多係化身成美腿小惡魔，以一對長腿嚟迷惑群魔，唔知到時效果會係點呢？

依依：嘩！你對長腿咁性感，相信係男士都會畀你迷倒，小心群魔會湧埋嚟，到時你呢位火辣小魔女都會招架唔住，而我今年則繼續低胸打扮，實行同你對長腿鬥過。

楚楚話會化身成美腿小惡魔去派對。

依依話有次驚到差啲跌咗對雙子峰出嚟。

驚到走光

楚楚：着得咁性感雖然係養眼，但有時都會因為咁而大出洋相，話說有年我以超性感迷你裙嘅女劍士造型亮相，點知我一入到派對會場，突然畀轉角衝出嚟嘅殭屍嚇到坐地兼擘髀，搞到我露底兼走光。

依依：你咁都唔算瘀爆，我有次仲肉酸。話說我本嚟同朋友傾緊偈，突然有隻恐怖怪手搭落我膊頭，嚇到我起勢咁跳，點知當晚件吊帶戰衣咁脆弱，肩帶竟然斷咗，對車頭燈差啲跌晒出嚟。

楚楚：差啲出嚟咋？我仲以為你對大包跌晒出嚟添！不過話時話，畀人嚇嗰一刻真係幾驚，有次我就見到個迷你裙索女，畀人嚇到有少少失禁，好彩派對會場夠暗，否則真係尷尬到爆呀！

依依：嘿，嗰個人會唔會係你呀？其實我對今年嘅萬聖節派對都好有期待，唔知到時啲男士又會化身成乜嘢妖魔登場呢？我最希望遇到個高大吸血魔就好喇！

楚楚Profile

身高：5呎4吋

三圍：33、23、34

依依Profile

身高：5呎2吋

三圍：34、24、34

撰文：魂

攝影：生