- on.cc 東方互動主頁
- 3月30日 (日)
「宅男女神」岑麗香（香香）與前港男翟威廉昨日出席「《F&H BY FANCL 日日補充·日日健康之旅》之護骨日」活動，並即席示範耍拳及踢板，原來翟威廉是跆拳道黑帶，其繡上名字的褲更是韓國館長所贈的。至於香香則於14、15歲時學過功夫，並在日本讀大學時，修讀過Beginners Pilates（普拉提），她又大讚翟威廉於劇集《神鎗狙擊》打得好勁。
問到會否喜歡識打功夫的男生？香香說：「唔一定要識，但識就梗係好啲啦，我覺得女仔識少少都幾重要，有時夜晚收工等車，如果有危險識保護自己，都會畀到自己多啲信心。（試過遇險？）試過喺外國同朋友畀人跟蹤，我哋都寧願報警先。（識功夫都冇用？）去警局嘅過程會冇咁驚，呢啲情況都想避住先，唔想出手。」而翟威廉則笑稱有功夫底，陪女仔行街拎東西沒那麼易扭傷，問到有否替女生出過頭？他笑謂：「冇，因為我怕事。」
另外，剛卸任港姐冠軍名銜的張名雅昨日在微博自爆被人跟蹤，事緣昨日她回家途中，忽然出現一名不知名男子，要求與她做朋友兼索電話，被嚇親的張名雅即時拒絕，怎料對方竟跟蹤她至家門閘口，難得張名雅仍在微博笑言可能是新一輯《玩嘢王》的橋段。
文：影視組
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
