Chilam嘉穎拗手瓜爭演《半澤》

話題日劇《半澤直樹》早前在日本的大結局平均收視高達42.2％，揮低2000年木村拓哉的《美麗人生》，成為本世紀最高收視日劇，非常威水！將滿40歲的男主角堺雅人突然人氣爆燈，劇中「加倍奉還」及「上司的過錯是下屬的責任」等成為市民金句，話題性十足。

高海寧做「情婦」

向來緊貼潮流的無綫當然不會執輸，據知無綫內部已掀起一股「半澤風」，除了大批藝人如鄭裕玲追看此劇外，一眾高層亦正密密煲劇，對買下版權重拍或將劇本改編甚有興趣！《半》劇講述銀行界的明爭暗鬥及打工仔被欺壓的苦況，令不少香港打工仔也有共鳴，據知高層正構思劇本，將之改成更貼近香港實況的地道版本。

其實不少網友早已「蠢蠢欲動」為無綫選角，有人提議由郭晉安或謝天華擔演，亦有指藍奕邦似足堺雅人，但據知無綫已有兩名心水，首先是最近人氣火熱的張智霖，早前他憑《衝上雲霄II》Cool魔一角風靡萬千觀眾，氣勢如虹！另一選擇則是兩屆視帝鄭嘉穎，他演爛撻撻的「Law霸」或情深男主角一樣駕輕就熟，高層認為兩人皆能演活半澤既溫柔又憤世的雙重性格。至於原裝版的風騷情婦由日本情色女星壇蜜飾演，身材Big爆的「咪神」高海寧絕對是最適合人選。

鄭嘉穎

高海寧

對於或被委以重任飾演半澤，Chilam表示無任歡迎，但首先要再刨熟此劇：「要花時間研究吓先，知道套劇好hit，係收視最高劇集，但我暫時只係睇咗十幾分鐘，未睇晒，點都會睇番嘅。（有興趣演？）真係搵我先算啦！（壓力？）我會用自己方法去創造角色，而且同唔同演員合作都會有唔同火花。」

鄭嘉穎表示雖未看過《半》劇，但對參演港版甚有興趣：「聽聞個劇本寫得好好，如果真係搵我拍，我當然開心啦！如果係男主角就更加榮幸，其實咩角色都冇所謂，有得參與就得。」

收費台下月播放

此外，尚未欣賞《半》劇的港迷仍有大把機會，無綫已向日本TBS電視台傾好版權，定於下月16日在收費台播放，以配合下月台慶月一連串攻勢，鑑於無綫與TBS向來關係友好，播映中的劇集《律政狂人》正是堺雅人另一舊作，故此才可無條件提前在下月播放，成為繼台灣後最早播放此劇的地區。

文：影視組