武打男星伍允龍身穿背心晒麒麟臂到場，擺出功夫甫士，非常投入。身為武術指導的他直言很愛看黃玉郎的漫畫，有時會將漫畫招式加入電影中，他說：「我朋友話我擺甫士幾好，其實我都係跟漫畫咁擺，有時會用嚟參考，放喺電影入面。我爸爸開武館，以前覺得學功夫好傳統，但睇到《龍虎門》嘅角色，原來可以咁時髦咁有型，都影響我進入電影界。」他又推介展覽中的《龍虎門》部分，呼籲fans前來挑戰主角王小虎。
