娜姐露蟠桃 趙勁皓震住抱
性感女神周秀娜昨日以爆乳埃及妖后造型出席活動，一對誇張「蟠桃胸」非常凸出，教人鼻血直流！她由半裸師弟趙勁皓抱起出場，對方更笑言手震震！
周秀娜（Chrissie）昨日以噴血爆乳埃及妖后造型出席活動，凸出誇張「蟠桃胸」！並由半裸師弟趙勁皓（King）抱起出場，另一半裸師弟何浩文（Dominic）則伴隨左右，恍如女王出巡的Chrissie被抱起時下身不慎露出黑色打底褲，在台上玩遊戲又不時俯身，噴血指數爆燈！
與關楚耀進展：要啲時間
而當記者指Chrissie露出「蟠桃胸」時，她則笑說：「幾好呀，但今日唔係生日，我都鍾意食生果。」提到與最新緋聞男友關楚耀的發展進度？她說：「都係朋友，都要啲時間。（北京富二代緋聞男友好啲定佢？）唔同，個個朋友都好，女仔全部都可以做朋友，揀吓先，揀到only one話你知。」
現場King在台上任由師姐在其上身畫公仔。由於娜姐穿上爆乳裝兼騷長腿，問King抱起她有何感覺？他說：「一開始喺後台試抱ok，佢唔重，但頭先抱嘅時間太長，有啲手震，Dominic冇幫手『傍』住佢對腳。（尷尬？） 都ok。（問到單身的他會否展開追求？）都冇，師姐要用尊敬態度對佢，佢好靚，我高攀唔起。」在旁的Chrissie笑說：「唔會，佢高過我。」
Dominic談情 唉聲嘆氣
至於台上玩遊戲為Dominic包繃帶時，被對方用手肘「批」到頭部，Chrissie坦言：「係自己唔小心。真係畀佢哋批到幾大鑊，咁大隻！（好少畀男仔抱住？）都少，依家真係少。」
而Dominic表示現階段以工作為先，提起感情事，他又唉聲嘆氣，問是否曾經歷情傷？他說：「唔係，但拍拖唔多唔少影響工作情緒，做好工作先。」
文：名人組