歌手許廷鏗（Alfred）昨日出席職安活動，身兼歌手及牙醫兩職的Alfred自爆忙到「頸抽筋」。他說：「成日都要低頭睇症，拉緊咗頸肌肉。」他又稱坐姿與企姿都會影響唱歌表現，呼籲大家小心生活細節。提到無綫自組唱片公司，他說：「當然支持，對樂壇係好事。我曾經上節目唱過派台歌，即刻多咗人留意。」問可會心思思跳槽？他謂：「我未完約，好滿意現狀。」
