陳茵媺懷胎約5個多月遇上交通意外，家庭醫生關嘉美表示，懷孕中期的孕婦駕車其實並無問題，她說：「5個幾月都未頂到個軚盤，BB器官都已經成熟晒，其實都冇問題，不過就盡量唔好揸長途車，因為孕婦都需要多啲休息。」
關嘉美勸勉臨盆在即孕婦，盡量避免駕駛，她說：「到34周（8.5個月）就唔好揸車啦，因為都差唔多生得，揸車又要顧住路面情況，好大壓力，萬一到時真係撞車，刺激到個胎，就會早產。」