JC貪靚整走黑眼圈
「警鐘胸」女模Jessica C.（JC）最近被指到韓國抽眼袋及隆胸，昨日她出席美容活動，眼袋明顯消失，她承認到過韓國但否認整容：「我只係做咗去黑眼圈嘅療程，冇開刀做手術，亦冇隆胸，我妹妹剛剛生完個胸走晒樣，佢就應該考慮隆胸。（贊成整容？）為咗靚都可以，但唔好太假同over；我都崇尚自然，但都唔想畀人見到黑眼圈同埋着衫冇胸。」
同場，曾華倩以代言人身份出席，被笑指是否看中她食咗防腐劑？她笑說：「食咗好耐，其實我同老闆識咗好耐，今次係友情價。」問到有冇追求者？她即哈哈笑說：「留意吓先。（你眼角高？）當然唔會亂嚟，但真係好忙，冇時間拍拖，自己相信緣分，周圍搵未必有，可能緣分會喺身邊出現。」而張燊悅透露嫁入楊家後一直未跟夫姓，現正式改名楊張新悅，身份證亦會改。
