陳豪新居就緒迎大肚茵媺
即將升任爸爸的陳豪，昨日出席珠寶店開幕，宣布太太陳茵媺即將返港安胎，不過未肯透露BB性別，只表示已改好英文名，新居亦一切準備就緒，只獨欠女主人歸位，更指茵媺開始出現孕婦容易疲倦的情況，故稍後會多抽時間陪伴左右。
陳豪昨日任周大福旗艦店開幕剪綵嘉賓，獲贈1117會籍號碼及足金BB手鐲系列，以紀念他於07年11月17日獲雙料視帝的日子，不過陳豪卻大懵忘記如此重要時刻。自婚後便與太太陳茵媺分隔兩地，茵媺於加拿大安胎，他卻忙於香港賺奶粉錢，大抵胎兒已穩定下來，陳豪昨日終宣布茵媺快將回港，更謂：「放心啦！總之唔會走你哋。」
懷孕進入辛苦期
不過忙於電影拍攝工作的他，屆時未能飛加拿大陪太太返港，一切交由親友代勞，他則會到機場接機，問到BB性別，陳豪卻大賣關子謂：「未講得住，遲啲啦！會講畀大家知，英文名改咗，中文名仲諗緊。」對於孕婦不要太接近寵物，但茵媺卻與家中愛犬拍照，陳豪對此謂：「佢知嘅，都唔會成日接觸，會隔離少少，有啲嘢係孕婦必須做嘅，（新屋裝修完未？）有排執，不過都搞掂好，好多嘢都好期待，呢年太多開心嘢發生，一浪接一浪，套電影仲差少少先完，但都會抽時間陪太太，因為佢開始進入辛苦期，好易攰，（抽筋會唔會幫佢按摩？）當然會啦！我要學習點面對新生命同照顧太太。」
再拍戲身價大升
談到有指久未拍電影的他身價大幅提升，陳豪笑不攏嘴否認，坦言未有外傳的數十倍，見其手上戴上4卡戒指，陳豪笑指也望品牌商贈送，問到身價升幅不少的他，會否買多幾粒送給太太？陳豪即雙眼瞪大謂：「嘩！咁要攞個好折頭先得嘞！」
文：影視組