官恩娜犯太歲傷眼爆瘡

官恩娜前晚出席鞋履活動，她刻意將眼線畫粗，但依然發現左眼下角有明顯瘀青，她解釋：「我太論盡，喺屋企中練習結他時，唔小心被結他打到眼角。」她續說：「之前塊面又生咗好多粒粒瘡，今年塊面真係犯太歲。」被笑要犯太歲會否考慮結婚沖喜？她說：「過多幾年先，自己唔想同居，結婚都要一齊住。（驚唔驚太遲結婚，到時做高齡產婦？）唔驚，依家好多女星都係過四十先生BB。」
官恩娜指於家中練結他傷眼角，笑言今年犯太歲。
官恩娜指於家中練結他傷眼角，笑言今年犯太歲。

同場，還有歌手鍾舒漫與衛詩雅，衛詩雅透露今日會起程到非洲，昨日專程到醫院打預防針，但醫生表示預防針話要十日才能生效，說：「醫生話就算在當地有咩事，依家打針已經冇用。不過我一直都想喺三十歲前同心愛嘅人去非洲，雖然今次唔係同愛人，但都實現咗一半。」

官恩娜左眼下角瘀青。
  • 官恩娜左眼下角瘀青。
衛詩雅打預防針準備出發去非洲。
  • 衛詩雅打預防針準備出發去非洲。