婷婷長髮拒為君剪
留了一把長長秀髮已十多年的謝婷婷，笑言絕不會因為分手、為男人而剪掉秀髮；當提起前男友安志杰時，她明顯不欲多談，更坦言二人分手後沒有聯絡，非常瀟灑。
藝人謝婷婷昨日出席Lux全新柔亮洗髮護髮系列活動時，透露自己自15歲開始一直留長髮。問到會否為拍戲剪短頭髮？她回應：「考慮吓，睇角色，不過一定要靚。」她笑言有女生喜歡分手後把頭髮剪短來發洩，但自己卻從未試過，亦不會作如此舉動。提到其前男友安志杰（Andy）剛返回香港， 她明顯不欲多談，只回應：「唔清楚佢近況。（分手後冇聯絡？）暫時兩個人自己做自己嘢。」而在旁的助手亦幫忙擋駕。
囑姪兒學好中文
而問到有傳前阿嫂張栢芝打算帶兩名姪兒Lucas及Quintus到加拿大定居一事，她坦言未曾聽聞，續說：「加拿大有加拿大好，香港有香港好，唔到我話事。其實真係去嘅話會唔捨得佢哋，不過最重要係小朋友鍾意，以後又多個藉口畀我去探佢哋。（哥哥謝霆鋒咁忙，好難探喎！）一定會少見咗，但真係嘅話都要適應。」而在加拿大成長的她，勸一對姪兒即使移民也必須繼續學中文，否則會跟她一樣不懂廣東話。另外，她昨日亦上載了一張與愛犬的合照到instagram，俯身的她更露出事業線，非常性感。
文：名人組