陳茵媺拒同陳豪劇中談情
陳茵媺（Aimee）昨日於商場活動向市民大派復活蛋，Aimee將於下月初啟程往馬來西亞拍攝《單戀雙城》外景，與男友陳豪（阿Mo）要分隔異地一個月，但Aimee笑言在工作前，阿Mo也要行埋一邊，她說：「工作以外佢先至排第一！（想唔想佢飛嚟探班？）都OK，況且依家用手機同互聯網好方便，不過我唔會隨身帶住手機，因為我對稿時要好專心，唔可以一心二用！」看來阿Mo在民初劇中衫袋現手機的蝦碌場面，不會傳染給女友。
另外，雖然Aimee日前與阿Mo在深圳以情侶檔姿態行騷，表現一貫甜蜜，但Aimee卻抗拒與阿Mo在劇中談情：「拍戲想試吓現實生活以外嘅事，唔想又係做番陳茵媺，但如果唔係演一對都可以接受。」