官恩娜擬雪卵40歲生B
歌手官恩娜（Ella）昨日出席美容網站活動，自言從小就喜歡化妝及美容，以往在外國讀書時經常流連化妝店，曾想過如不做藝人會做化妝師或結婚生仔，她說：「我依家都做緊阿媽，要照顧啲狗仔。」問到可有計劃照顧人仔？Ella表示：「未有計劃住，我事業心重，又簽咗新公司，聽講依家有新技術可以雪藏卵子，或會雪定先等40歲後才考慮。」
早前搬到加多利山新居的Ella，透露目前正跟寵物同居，男友只間中到訪。問到可有考慮和男友同居？她說：「難啲，我好怕凍，佢又成日開冷氣，而且我唔係太鍾意同居，亦冇咁快諗結婚。」