娜姐撩「爆肌曉明」：有冇女友？
甩拖多時的周秀娜，昨日在活動上遇見翻版黃曉明、內地爆衫猛男顧又銘，表明自己仍是單身外，又多番問一身肌肉的顧又銘有無女友。娜姐事後解釋是幫全港女士而問。
周秀娜昨日與師妹盧頌之（DaDa）、余曉彤（Hidy）及才女卓韻芝，出席《爆衫猛男亞洲選拔賽》，眾女先由來自拉斯維加斯的Chippendales爆衫猛男或抬或拖出場，再欣賞六位來自中港的「爆衫亞洲男」扯衫騷胸肌。其中酷似黃曉明的顧又銘，獲娜姐封為「朱古力海綿蛋糕」，娜姐在台上表明單身，又多次問對方有冇女友。娜姐事後解釋：「我幫全港女士問咋！（恨拍拖？）呢排都幾享受一個人，覺得好自由。」問她擇偶是否要大隻男？她指沒有所謂，但不用經常爆衫，她又補充擇偶最重要是能否溝通相處。問她稍後拍攝卓韻芝執導的《爆3俏嬌娃》中要否爆衫？她說：「睇完頭先班猛男，我依家好自卑，仲點爆衫？」
阿芝堅稱冇失暈
至於阿芝訪問時疑似露暈，提起猛男時開心說道：「睇猛男爆衫好開心呀！（你慣咗被外國猛男抬出場？）唔慣o架，冇佢哋咁慣。」阿芝昨晚透過電話回應不可能走光：「我唔會畀佢哋曝光，我做足安全工夫，仲有我嗰兩點其實係喺眼皮度。」
勝出比賽的顧又銘則對貌似曉明唔多like，他說：「很多人問我是不是依他樣貌來整容，所以我不喜歡別人說我像他！（介意？）肯定啦，我真的沒有整容。（點睇周秀娜？）她在《西遊‧降魔篇》很sexy！是很多人的夢中情人。（想追人？）如可以的話，也不錯！」
文：影視組