超盈賀媽咪索爆出關

早前刻意減肥以致身體抱恙的超盈，昨日首度現身見傳媒，超盈全程精神飽滿，看來已完全康復。昨日是四太生日，超盈為母慶祝生日前，先為善慈相集進行拍攝，行程緊密。約早上八時多，超盈便開始化妝及整頭髮，之後在銅鑼灣時代廣場拍照，吸引過百途人圍觀，場面墟冚，見慣大場面的超盈表現淡定，未有怯場，甚有模特兒風範。超盈身穿灰色tube dress，頭戴花環，以女神形象示人，明艷照人兼修身不少，身材fit到爆。

賭王例牌送肉嘴

完成拍攝後，超盈返回四房大宅會合母親、胞妹超欣及賭王，一齊前往中環SEVVA歎下午茶，直至五時多才回到大宅，賭王則按照時間表返回三房大宅。此時，四太步出大門口，主動接受記者訪問，她說：「我今年生日願望希望多啲私人空間，同以往一樣世界和平、身體健康、社會和諧。（賭王送肉嘴？）有。（收到咩禮物？）你哋估吓！我尋日已經同仔女慶祝咗。」說罷四太表示超盈有說話要跟大家講，並希望記者不要再跟着超盈。

超盈精神奕奕回歸親親媽咪。

四太戴上賭王送的20卡鑽石耳環。

照常返學冇入院

超盈以便服現身，她頭戴cap帽，身穿外套及牛仔短褲，青春可人，四太叫記者一次過提問，超盈再回答，她說：「我身體好好，尋日有報道話我出院唔係真，我一直都係正常返學同做嘢，係你哋影唔到。今日慈善寫真集個造型我好鍾意，要多謝（形象指導）馬天佑畀機會我影相，其實通知咗好耐，排到今日先影，有十幾個模特兒一齊影，超蓮都係其中一個，我為影相而減肥。」問到送了甚麼給母親時，她稱跟胞妹及胞弟一齊自製iPhone殼給四太作禮物，提到賭王有沒有對她講勉勵說話時，四太即時搶答：「無特別，今日係我生日，爹哋嘅目光淨係喺我度。」此時，超盈大爆四太現場所戴的鑽石耳環正是賭王送的生日禮物，鑽石十分巨型，每隻約十卡，合共20卡。甜到漏的四太作狀打超盈，並笑謂：「真係無用。」之後更推超盈入屋，非常搞笑。最後兩人聯同超欣一齊合照，並拿出iPhone殼給記者影相，超盈又錫錫媽咪，大晒溫馨。

文：名人組　

攝：追蹤組