梁嘉琪考車牌 戒陋習備戰
藝人梁嘉琪近期密密練車，原來是為了備戰殺到埋身的考車牌試！談到學車時趣事，她自言自己手腳「太協調」，轉彎的時候會「連人帶軚」一起扭，她說：「師傅話每次轉彎之前都要擰頭望鏡，我一擰頭望右，隻手就好自然咁順勢扭向右，練咗好耐之後終於戒甩咗！」
問到學車的原因，她說主要是為方便返工：「因為屋企距離公司都幾遠，坐的士都要成45分鐘車程，而且成日都要半夜收工，所以都想考好耐喇！」問到買車有甚麼心水之選，她強調絕對不會買兩座位的車，因為要載屋企人，她說：「其實我買車都係想假期時同屋企一齊玩，應該都係買七人車啦！」她又笑言自己是新手，不敢買太貴的車，她說：「大約預咗9萬蚊，因為都預咗第一架車會整花晒，唔敢買太貴！」
髮型：Ron＠HH hair
學車：MEG|自由學