藝人車車（張紫櫻）日前趁立春，專誠買材料親製蘿蔔糕，誰知引發血光之災，流出蛇年第一滴血。
她說：「我同蘿蔔好似有仇咁，之前試過切蘿蔔煲湯，點知切中手指，立春嗰日諗住刨蘿蔔整蘿蔔糕，慶祝踏入蛇年，點知刨蘿蔔嗰時，唔小心刨到自己手指，點解我咁多災多難o架？惟有當係流啲血擋煞囉！好彩後尾忍痛完成嘅蘿蔔糕味道都唔錯，如果唔係仲揼心！還好今次刨傷嘅係左手中指，如果整傷嘅係右手食指，我就有一排唔使旨意玩Candy Crush，雖則我唔係好沉迷，但有得睇冇得玩，食幾多蘿蔔糕都補唔番！」
