陳茵媺約好友困獸鬥
藝人陳茵媺（Aimee）平日忙於工作，閒時亦要找方法紓緩工作壓力，打機正好可以放鬆吓。Aimee最近發現一個小遊戲apps 「Swing Shot」，介紹畀大家：「隻game有好多得意公仔，有馬騮、熊貓、熊仔等等，佢哋會拋啲嘢出嚟同人對戰，之後就算受傷個樣都好鬼死可愛，隻眼仲會凸出嚟添。而且隻game可以加好友，只要大家同時上網就可以即時對戰，我成日會約埋啲friend一齊連戰，不過就輸嘅多，所以我一得閒就會拎出嚟練多啲。」
Swing Shot
Swing Shot係一隻拋擲東西的遊戲，每人有六隻動物，各自被繩綁住，唔同動物有自己特別招數，有的拋石頭，有的出回力鏢，甚至飛蟲蟲去咬斷對方的繩索。玩家的任務是鬥快解決對方所有動物，隨着你的經驗及得勝會獲取分數，以便購買更具攻擊力的動物，或提升防禦力。這遊戲更可將對手設為好友，只要對方同時上線即可再連戰，即使今仗輸了亦為你提供復仇機會。