AOA談擇偶各有所愛拒爭仔
孖妹組合AOA與男歌手鄒文正（Terry）日前接受《娛樂 onShow》訪問，三人互笠高帽，AOA大讚師兄唱得又睇得，Terry則讚孖妹善解人意又嬌俏可人，更看好她們奪新人獎；另外，AOA表示從未試過同時間喜歡同一個男生，大孖自爆喜歡羅志祥，細孖鍾情吳彥祖。
人氣網站ontv的娛樂資訊又快又新，獨家娛聞亦具話題性，加上有名人紅星深情專訪，難怪點擊率爆燈。新進孖妹組合AOA日前聯同師兄鄒文正，接受由俞詠文主持的《娛樂 onShow》訪問，四人言談甚歡。
Terry激讚AOA嬌俏可人、能歌擅舞，他說：「第一次見佢哋，覺得佢哋係『兩為一體』，唔應該要分開佢哋，佢哋首《我主場》好聽，我睇好佢哋攞新人獎呀，我都想再攞多一年。」
互笠高帽
AOA亦禮尚往來，大讚師兄Terry靚仔又唱得，具備音樂才華。問到她們有否試過同一時間戀上同一個男生，大孖Annelle說：「冇試過，若然真係同時愛上一個人，我哋會放棄，唔會爭。其實我哋鍾意嘅男生類型唔同，我鍾意陽光運動型，要有幽默感，識氹人開心。（喜歡偶像？）羅志祥，因為佢好陽光，而且好有幽默感。」細孖Annice則說：「我偏向喜歡成熟穩重型。（鍾意邊個男星？）吳彥祖。」
想知道AOA和Terry在訪問中有甚麼笑料？Terry外遊有沒有發展異地情緣？請密切留意《娛樂 onShow》啦！
文、攝：專案組