貝安琪摸酒杯底談情

擁有德國血統的貝安琪（Ankie）自言很喜歡喝酒，近日更擔任美酒品牌Signature Wines代言人，她表示父親在家鄉有一個小酒莊，母親劉香萍及外婆從小就教她喝酒：「16歲嗰年媽咪教我飲香檳，點知飲完就即刻暈陀陀！又記得去紐約讀書時，有男同學撩我飲啤酒，喺德國飲啤酒就等於飲水，最後當然個男仔好快就飲醉，以後都唔敢再撩我飲酒！」
貝安琪自小被家人訓練喝酒，酒量不淺。
貝安琪自小被家人訓練喝酒，酒量不淺。

問Ankie擇偶是否同樣要是「飲得之人」？她說：「唔使好飲得，但一定要鍾意飲酒，我覺得兩個人一齊傾吓偈飲吓酒，係一種relax！」Ankie又自爆剛分手：「因為我飛得太多，佢唔鍾意我做呢行，佢想我唔做嘢喺屋企湊仔嗰種，大家夾唔到，最後和平分手！」現時寄情工作的Ankie，正跟林峯及鍾嘉欣等拍攝電視劇，但她仍然期待另一半的來臨：「女仔當然想搵到個自己鍾意嘅人一齊過下半世，對我嚟講，外表唔重要，亦唔一定要讀大學，最緊要兩個人夾，有共同興趣，能夠令對方笑，就已經好足夠！」

貝安琪第一次喝醉酒是被媽媽「灌醉」的。
  • 貝安琪第一次喝醉酒是被媽媽「灌醉」的。