鄭希怡唔見iPad 洩藝人機密
鄭希怡（Yumiko）前日下午於杭州蕭山機場遺失iPad，機場工作人員拾獲後因未有人前來認領，故查看iPad通訊錄聯絡失主的家人，當中有成龍、張栢芝等藝人電話，而經過iPad中相簿的照片，終證實失主是Yumiko。她昨日接受本報電話訪問表示現正身在杭州，問到她是否遺失iPad？她直認：「係呀，我都唔出聲，但都畀人知我嘅醜行。」她指前日由香港飛到杭州拍戲，因身體不適，故精神不佳，至前晚才發現自己遺留iPad於行李車上：「我都有打去機場，但收晒工冇人聽，自己都打定輸數。」
不過，Yumiko謂昨日起床即發現自己被「通緝」：「當地晚報同微博叫我拎番部iPad，中國人好好，仲好熱情，追住畀番部iPad我！」
慶幸冇床照
問到iPad中可有親密照或床照？Yumiko坦言沒有：「最唔見得光應該係我嘅素顏照，我同男朋友一向少影親密照。」提到其iPad中被發現有成龍等藝人的電話？她說：「我都唔想，我估嗰個人都唔會公開，亦向受影響人士作萬二分道歉！（點解有成龍電話？）佢好照顧我，大家識咪有電話。（你兩個傳過緋聞？）都話緋聞！」問到iPad中會否有銀行或地址等私人資料？不太清楚的她表示：「我連有通訊錄都唔知。」
文：音樂組