腸癌婦盼續命照顧女兒

阿銀十年前與女兒持單程證來港，丈夫在康樂及文化事務署任職花王，阿銀則在附近私人屋苑當清潔工人，一家三口生活尚算愜意。「嗰陣阿女放假冇人睇佢，我就帶埋佢一齊去做清潔，希望生活好啲！」可惜好景不常，丈夫於四、五年前因腎病惡化無法工作，阿銀亦需辭去工作，全天候照顧丈夫，並需要申領綜援維生，「嗰陣醫生話老公得番幾個月命，我惟有即刻辭職，捱捱吓又過咗幾年。」

夫腎病多年 今年初去世

最終丈夫敵不過病魔折磨，於今年一月去世，阿銀未及撫平傷痛，竟在不足兩月後證實患上腸癌。面對噩耗，阿銀坦言不求長命百歲，卻放不下年僅十四歲的女兒家欣，「照顧老公幾辛苦都好，我都唔會怨，只係覺得對唔住個女，如果我都走埋，就得番佢一個……」飽經滄桑的阿銀面對貧困、喪夫及疾病仍堅強面對，唯獨談及寶貝女兒，即淚如雨下。

母親罹患重病，經常出入醫院，家欣每天放學即趕回家做家務，從無怨懟，只希望母親有康復的一天，更會匯報在學校發生的一點一滴，務求令慈母「開心啲」，「媽咪見我做家務辛苦，就問我如果佢死咗我點算，我就答佢『咁你咪唔好死囉』！」

兼顧學業家務 乖女無怨

看着懂事乖巧的女兒，阿銀大表欣慰之餘，卻自言感到慚愧，「個女細個到依家，我都冇畀過啲開心回憶佢，人哋一家人去玩，佢就要做家務！」由於無力負擔逾廿萬元醫藥費，兩母女只能寄望善長施以援手，延續相依為命的日子。

屯門醫院發言人證實，病人於今年三月患上直腸癌，曾接受化療、放射性和手術治療，惟醫生其後發現病人的癌細胞已擴散至卵巢及多處骨骼，建議接受標靶藥「貝伐單抗」（Bevacizumab）治療，平均療程為十個月，費用逾港幣二十萬元。

捐款編號：12352

記者：楊育輝