謝東閔坐爛櫈當眾跌低
巨星幫出身的謝東閔（閔大人），擁有水汪汪電死人的大眼睛，一日係靚仔一世都係靚仔，但當靚仔做出尷尬事時，就會異於常人的(火羅)，閔大人就曾「親歷其中」。
閔大人自爆早前在廣州拍攝遊旅節目時，在一間店舖手握咪高峰準備訪問老闆時，當他坐上一張椅子時，椅子突然爛開，令他失去重心連人帶櫈跌落地下，而當時正在拍攝，他只好馬上起身繼續訪問，但工作人員、店舖職員早已笑得合不攏嘴。他表示：「嗰陣拍緊嘢，唔可以停，只好即刻起返身，望一望鏡頭苦笑，再繼續訪問個老闆，但係個老闆都忍唔住笑！播出街嗰陣，啲工作人員可能嫌我唔夠(火羅)，仲要慢鏡重播咗幾次，好好笑！」
閔大人又指朋友看到節目後，不斷取笑他：「佢哋係咁笑我！不過好彩佢哋冇cap圖咋！如果唔係應該會係咁send畀人睇！」