名模琦琦昨日為模特兒比賽擔任評判，透露會揀選有陽光氣息的model，不一定要性感，但樣子要夠時尚。
記者笑問其７歲的囡囡任晴佳可有遺傳她做model的影子？她說：「佢仲細，又唔貪靚，佢最鍾意就係自己套校服，最好星期日都着校服！」琦琦還笑言囡囡行catwalk比她還要好：「佢新年嘅節目就係catwalk表演，佢會着住條長裙企喺櫈上面扮蝴蝶，不過都只係畀我同老公睇！其實都有好多人搵佢做model，不過佢得７歲太細個喇！」。
