渡海濠情：底褲亂咁送 分手好易中
英國有個調查話，十對情侶就有一對因為男士買錯禮物送畀女友而分手，而最常見嘅禮物，就係女裝內衣，啲男士一係買錯尺碼，一係就買錯牌子，再唔係就買錯顏色。嚟自極品桑拿嘅小冰，都話因為咁而同前男朋友分手喎！
冇條喜歡
小冰話：「如果係普通朋友，關係唔深，買錯內衣真係好平常，因為佢可能從未接觸過，但我之前嘅男朋友對我內衣嘅了解，相信比我仲要熟悉，因為佢自稱係戀底褲狂，同我親熱前，一定集中精神喺我條小底褲上面，等佢完全滿足後，至嚟滿足我，所以佢對我喜歡乜嘢底褲都十分了解至啱，點知有年情人節，佢買咗十幾條新底褲送畀我，但冇一條我鍾意，唔係尺碼唔啱，就係物料唔係純棉，仲有我喜歡淨色，佢竟然買晒啲有圖案花紋嘅，真係畀佢激死！」
一齊去買
係咪你男朋友自己喜歡呀？小冰話：「就係咁至激氣，買情人節禮物送畀我，梗係要買啲啱我心水嘅，唔係買佢自己喜歡嘅！所以最後忍無可忍，毅然同佢分手。」咁家陣啲男朋友仲有冇幫你買內衣呢？小冰話：「如果佢想買內衣畀我，會要求佢帶埋我去，佢可以畀啲意見，例如要性感嘅定係要豹紋嘅，呢啲我都冇問題，但我一定要買番我用開嘅名牌，當然價錢比街邊貨貴幾十甚至過百倍啦！但一分錢一分貨，我着得舒服嘅同時，男朋友又有滿足感，雙贏局面當然最好不過！」
小冰Profile
年齡：22歲
三圍：35-24-35
撰文：小德
攝影：阿生