嘉玲睇得開：人唔到禮到

前晚劉嘉玲出席MCM假中環旗艦店舉行的酒會，宣傳品牌與香港遺傳性乳癌家族資料庫合作推出「粉紅袋慈善購物」計劃，同場有名模姚書軼、Mandy Lieu、陳祉妤、馬詩慧、傅嘉莉等，以及品牌大中華業務發展及營運總裁簡健英，場面墟冚。

自爆夫妻小情趣

12月生日的嘉玲透露生日期間有工作在身，故正日不會大肆慶祝，她說：「生日只係一個紀念日子，等我大壽先慶祝，今年休息吓。（老公梁朝偉陪唔陪到你？）唔知，佢仲趕緊戲。」記者指她之前揚言偉仔主演的《一代宗師》今年內上映，她笑着解釋：「我都係喺戲院睇廣告話coming soon，但都coming咗幾年。（偉仔陪唔到你過生日會否唔開心？）咩年紀呀？唔會咁而唔開心，生日唔一定要食飯，但要有問候同禮物，人唔到禮到。（偉仔每年都送禮物畀你？）係，有時要我尋寶，呢啲係情趣，同時增加禮物嘅神秘感。」

梁朝偉	Mandy Lieu透露早前到意大利拍特輯時被餐廳侍應掃背摸手，令她一肚氣。	劉嘉玲前晚與一眾名模出席MCM酒會，品牌大中華業務發展及營運總裁簡健英（左五）也有出席。

吸毒者自承惡果

談到盛傳有藝人在食肆公然吸毒，嘉玲表示略有所聞，並直斥行為不當：「無論係唔係藝人或者公眾人物都唔應該吸毒，因為對身體有害，更加唔應該喺公眾地方犯法，做人要承受後果。（怕唔怕影響藝人形象？）唔會，應該要理智啲去睇件事，有啲人唔信事實，只會信自己設定嘅答案。不過人誰無過，少少錯誤應該要畀機會。（有冇人引誘過你吸毒？）冇人夠膽，當然一啲唔好嘅引誘實有，但都係睇自己嘅定力。（有冇見過有人吸毒？）我唔會講，因為喺某啲國家係合法。」

傅嘉莉以型格打扮示人。	名模陳祉妤甚欣賞品牌的設計。	姚書軼以deep V裝盡騷低調性感。

嘉玲前晚率先看好劉青雲及杜汶澤封金馬影帝：「青雲同我嘅命運好似，都係戥人高興，佢係好有實力嘅演員；影后就睇好《浮城謎事》嘅女主角。」

文：名人組