苟芸慧女神教路認真就輸
記憶中有沒有一句說話叫你永世難忘？獨自來港發展的苟姑娘苟芸慧，曾聽過朋友說：「認真就會輸！」後來才明白這句說話是叫她凡事不要執着，成為女神的她，認為這句說話對她絕對是終身受用。
苟芸慧：有朋友同我講過話「認真就會輸」，我當時唔係好明白，原來佢意思係話做人如果太認真，過分執着，咁就會失敗，反而做人放輕鬆啲，睇淡啲，反而會做得更好！
《時尚配飾活動》
唐貝詩：有一次出席公開活動，有個唔識嘅人走過嚟同我講「你後面走光呀。」，我嗰時晴天霹靂，因為已經到活動尾聲，我成個活動都走住光。
《聖誕商場活動》
官恩娜：嗰時《超級巨聲》雷頌德話估唔到我唱歌咁好聽，簡直係我人生另一個轉捩點，因為多咗好多工作機會，令人留意我嘅歌唱事業。
《Bikini派對》
鍾采羲：有次我離開香港將隻狗交畀我朋友嘅朋友養，佢後尾喺電話同我講「我係唔會畀番隻狗你o架！」，真係好傷心！之後冇再見過呢個人，但聽講佢當隻狗如珠如寶，所以算啦。
林宜芝：幾年前我仲係140磅嗰陣，同男朋友去沙灘着比堅尼，點知佢同我講「你真係好肥！」，完全激勵到我減肥嘅鬥志！
《浪琴表馬會盃》
陳敏之：最難忘係媽咪同我講，你做得咁辛苦不如唔好做，我哋大家一齊捱，聽完真係覺得好窩心，令我更努力工作。
《名酒旗艦店開幕》
馬詩慧：最難忘係囡囡做錯事肯認錯，知道自己做錯乜，我會好感動，仲會忍唔住喊。
《鞋履活動》
古天樂：最難忘就係我阿媽話『起身喇，返工喇！』因為聽到就怕，好想瞓多陣，所以呢句說話最難忘！