徐濠縈血拼 鬧市行貓步
被稱為潮流icon的徐濠縈，平時行街打扮絕對一絲不苟，大前日她以一身潮人服飾前往銅鑼灣名店置裝，離開時突然model上身，像行catwalk般拿着大袋戰利品到門外等車，但呆等了一會仍未見有車，她開始感到有點不耐煩，並即致電催促司機。
陳奕迅（Eason）老婆徐濠縈（阿徐），對潮流打扮觸覺敏銳，亦十分講究時裝，平時除了照顧囡囡康堤外，喜愛行街買靚衫，幾乎每次出街都會扮得靚靚，近幾年阿徐在銅鑼灣開設時裝店，並親自做埋人肉衣架示範，上載新款潮着相片上網，難怪被稱為潮流icon，可謂寓興趣於工作與娛樂。
搶眼潮物
大前日下午6時許，阿徐撇下老公Eason及囡囡，獨自到銅鑼灣行街shopping，不一會已大有斬獲。一身潮人打扮的她，腳踏5吋名牌厚底鞋，頸上佩戴至潮的桃紅色大窩釘頸鏈，極為搶眼。當阿徐成功掃得心頭好並手持大袋戰利品步出到商場等車時，身形纖瘦的她因「增高」了5吋，行起路來似足model行catwalk般，入型入格。
牽強而笑
原本呆企在門外等車的阿徐，等了一會仍未見司機前來接送，開始感到有點不耐煩，並不斷打電話催促司機，最後足足久等了十分鐘才順利上車。期間她發現記者拍照，即向鏡頭展露牽強笑容，然後急急上車走人。
文、攝：追蹤組