黎芷珊賺外快買姑婆屋
主持人黎芷珊和應屆港姐亞軍黃心穎等，昨日出席無綫新資訊節目《體通體透》的拜神儀式，憑主持節目《最佳男主角》而贏得口碑的芷珊，坦言最近多了工作機會，更在聖誕節接了不少騷賺外快，她說：「我喺呢個月加埋聖誕，接咗10幾個job。（加價？）咁梗係有啦，不過其實我以前唔係開得好多，依家都係拉番勻。（買咩獎勵自己？）儲錢囉，依家冇人冇物，要儲定錢買姑婆屋，我冇乜積蓄，因為以前鍾意將啲錢買晒衫，放晒喺身上。」
另外，黃心穎被問到近期有圈中人疑似在食肆內公然吸毒一事，她表示沒有聽聞事件，亦不怕被朋輩引誘吸毒，她說：「我唔會畀人引誘到嘅，除非嗰啲係朱古力啦！」
