邵美琪嫁期男友話事

藝人邵美琪與男友施祖男，聯同黃長興、陳昭昭和張建聲等人，昨日在深圳沙井極速賽車場，參與香港國際小型賽車格蘭披治大獎賽。對於近日娛樂圈喜事重重，問到邵美琪何時與男友拉埋天窗？她笑說：「呢啲嘢你問佢啦！」當記者再向施祖男追問婚事時，他說：「你哋唔好咁心急啦，（邵美琪話要問你。）每個人都有唔同嘅階段，我哋依家嘅階段係好開心。」記者取笑施祖男與邵美琪有默契，要得到男友「批准」才可透露戀情，施祖男說：「唔係，不過我都好尊重佢，佢話乜就乜啦！」

施祖男上堂瞌眼瞓

各參賽者需在比賽前參與安全講座，施祖男竟然瞌眼瞓，連導師都要開聲叫他們專心聽講，否則很危險，事後施祖男解釋因有點攰，並說：「因為我做過好多次評判，已經聽過好多次，唔使擔心啪嘅！」邵美琪自稱甚少參與小型車運動，今次純粹為支持男友，才到場參與。現場所見她排頭位上場，可惜最終排尾三。

邵美琪坦言為男友才到場參與。

黃長興（左起）、施祖男及邵美琪一同參與小型賽車格蘭披治大賽。

黃長興攞獎有信心

同場的黃長興直言十分喜歡賽車，在泰國亦曾參與賽事，故十分有信心勝出。而張建聲亦表示曾在泰國參賽，但只得第6名成績，故是次比賽沒有信心勝出。