Crystal怕嫁唔出努力學廚
女子組合HotCha昨日出席烹飪活動，和一眾小朋友發揮「煮意」烹調健康菜式。提到入廚煮兩味，成員Winkie原來自小訓練有素，她說：「爸爸係廚師，自細佢就教我煮嘢食，煮完仲會獎零用錢畀我。」而身邊的Crystal則自言是入廚新手：「我唔識煮嘢，因為我個人好論盡，試過搞到廚房立立亂，以前煮過一次畀前男友，佢同我講下次唔好再煮。」她又笑言怕嫁唔出，故會積極向Winkie偷師。
另外，兩人表示早前到杭州拍賀歲片，同劇還有吳君如、杜汶澤、毛舜筠等好戲之人，她們會趁機學習。提到拍檔杜汶澤有份角逐昨日台灣金馬獎，兩女稱有好多她們欣賞的前輩參與，誰人得獎都開心。