鄧麗欣派雪條 百人爭搶
藝人鄧麗欣（Stephy）、陳僖儀及導演火火昨日到旺角鬧市宣傳電影《等．我愛你》，在現場大派雪條，吸引過百途人及粉絲圍觀，現場更不時有大型貨車經過，出現人車爭路情況，十分「牙煙」，現場可謂陷入一片大混亂。
導演火火執導的電影《等．我愛你》上映在即，戲中女主角Stephy及陳僖儀昨日到旺角行人專用區派雪條，為電影造勢，現場聚集過百名途人以及粉絲圍觀，加上傳媒採訪，令擠逼的街道更見水洩不通。雖然Stephy因塞車關係姍姍來遲，但仍無損粉絲的熱情，當Stephy開始派發雪條時，眾人馬上蜂湧而上，爭先恐後搶雪條，Stephy亦顯得有點驚慌，身體本能地向後縮，但幸好有保安人員保護，Stephy未有任何損傷。
而當日政府原定下午三時封閉專用區，卻延遲一小時才封路，以致在派雪條期間不時有大型貨車駛入行人專用區，出現人車爭路情況，場面混亂而危險，當派完雪條後Stephy亦火速上車離開。
自認理財豬級
Stephy受訪時表示自己已十年沒有來過旺角，她說：「旺角係我細個的蒲點，但依家已經好少，平時嚟都係速去速回，買完嘢即刻上車走。」提到兒時夢想是賣雪糕，但長大想開甜品店，她表示：「但我唔識理財，自己又好豬，所以唔適合，錢都係交畀屋企人管理，如果要我打本做生意會好擔心。（叫男友方力申幫手。）佢鍾意藝術多啲，飲食唔啱。」
另外，Stephy亦大呻黃宗澤（Bosco）忙碌，並笑言：「啲宣傳都係我頂晒，要叫佢請我食十餐飯，下次合作都要再諗下。」
文：影視組